Тусламж

Түгээмэл асуултууд

Хариулт олдохгүй бол мэдүүлгийн хуудасны баруун доод буланд байх AI туслахаас асууна уу — тэр таны мөрүүдийг харж хариулна.

Ямар файл оруулж болох вэ?: PDF хэлбэртэй packing list, commercial invoice, proforma invoice. Нэг удаад 8 хүртэл файл, тус бүр 25MB хүртэл. Скан хийсэн (зурган) PDF-ийг ч уншина.
Packing list, инвойс хоёрыг хамт оруулах шаардлагатай юу?: Шаардлагагүй, гэхдээ хамт оруулахыг зөвлөж байна. Савлагааны хуудаснаас жин, хайрцгийн тоо, batch; нэхэмжлэхээс нэгж үнэ, валют, нийлүүлэгчийн мэдээлэл гардаг. Хоёуланг нь нэгтгэж нэг бүрэн мөр үүсгэнэ.
БТКУС кодыг яаж сонгодог вэ?: Гурван суваг ашиглана: (1) баримт дээрх гадаад HS кодын эхний 6 орон — энэ нь дэлхий нийтэд ижил; (2) брэнд, үйлдвэрлэгчийн латин нэр; (3) монгол нэршил. Эдгээрээр тулгаад мөн чанараараа хамгийн нийцэх ангиллын хувилбарыг сонгоно.
Санал болгосон код найдвартай юу?: Энэ бол албан ёсны ангилал БИШ. Систем барааны тодорхойлолт, HS код, нэршлээр хамгийн нийцэх ангиллыг үндэслэлтэй нь санал болгоно — эцсийн хариуцлага мэдүүлэгчид байна. Мөр бүрийн «Яагаад» тайлбарыг шалгана уу.
Шилжих коэффициент гэж юу вэ?: Хэлцлийн хэмжих нэгжийг БТКУС-ын ангиллын нэгж рүү хөрвүүлэх итгэлцүүр. Томьёо: хэлцлийн тоо хэмжээ = ангиллын тоо хэмжээ × коэффициент. Жишээ: хэлцэл тонноор (72 TNE), ангилал кг-аар (72,000 KG) бол коэффициент = 0.001.
Тарифын төрлийг яаж сонгох вэ?: «Нэн тааламжтай» — ДХБ-ын гишүүн орон болон Беларусь гарал үүсэлтэй, гарал үүслийн гэрчилгээтэй бараа (хамгийн түгээмэл). «Ердийн» — гарал үүсэл нотлогдоогүй. «Хөнгөлөлттэй» — зөвхөн Япон гарал үүсэлтэй бараанд (ЭЗТХ-ны дагуу).
Эцсийн үр дүнг юу гэж авах вэ?: Хүснэгт дээрээ засвараа хийгээд «Excel татах» дарна. Файл нь gaali.mn-ий баганын нэршлээр бэлтгэгдсэн тул шууд шивэхэд бэлэн байна. Хоёр дахь хуудсанд мөр бүрийн сонголтын үндэслэл багтана. Эсвэл «gaali.mn-д бөглөх» дарвал бөглөгч программ мөрүүдийг шууд шивнэ.
gaali.mn-д автоматаар яаж бөглөдөг вэ?: «Бөглөгч программ» хуудаснаас GaaliAiAgent.exe-г татаж Windows компьютер дээрээ ажиллуулна, төхөөрөмжийн түлхүүрээ нэг удаа оруулна. Программ Chrome-ыг нээнэ — та gaali.mn-д eToken-оор нэвтэрч мэдүүлгийн Шат 3-ыг нээгээд сайтаас «gaali.mn-д бөглөх» дарна. Нууц үг, eToken серверт дамждаггүй.
Миний баримтын мэдээлэл хаана хадгалагдах вэ?: Оруулсан PDF болон гаргасан мөрүүд зөвхөн таны бүртгэл дор хадгалагдана. Бусад хэрэглэгчид харагдахгүй, гуравдагч этгээдэд дамжуулахгүй.